Urriaren azken igandean egingo den «Araizko Zaporeak» feria dela eta, hitzaldi bat antolatu dute aurrez –urriaren 26a ostegunean, arratsaldeko 19:00etan– Araizko Udalean.
Gure baratz eta lurretan landatzen dugunari erreparatuz, bertako haziek duten garrantzia azpimarratu nahi dute «Araizko Zaporeak» taldeko antolatzaileek. Belaunaldiz belaunaldi pasa eta gure lurretara egokitutako hazien garrantziaz arituko dira hitzaldia eskainiko duten arduradunak, «Nafarroako Hazi Sareko» Virginia Sarasa eta Luis Beraza. Hitzaldi honek lehen urratsa izan nahi du Araitz bailarako hazien ezagutza eta trukea bultzatzeko.
Baratz eta oro har landaketan aritzea gustuko baduzu, animatu eta zatoz hitzaldira. Denon artean eutsi behar diogu arbasoengandik jasotako ondasun honi.
